Bu gün lokal antiterror tədbirləri zamanı şəhid olmuş Murad Axundovun doğum günüdür.
Gencexeber.az məlumat verir ki, o, 2004-cü ildə avqustun 4-də Gəncədə anadan olub. 2010-cu ildə 19 nömrəli tam orta məktəbə daxil olub. 2019-cu ildə həmin məktəbin 9-cu sinfi bitirib, 2 saylı peşə liseyinə daxil olub. 4 il peşə liseyində çilingərlik ixtisası üzrə təhsil alıb. 2022-ci ildə Peşə təhsilini bitirib və həmin ildə hərbi xidmətə çağırılıb. 45 gündən sonra öz xahişi ilə "Komando qoşunları"na keçib. "Komando başlanğıc sertifikatı" ilə təltif olunub.
2023-cü ildə sentyabrın 19-20-də gedən antiterror döyüşlərinə yollanıb. Xocavənd rayonunun işğaldan azad olunması uğrunda döyüşərək qəhrəmancasına şəhid olub.
Murad Axundov ölümündən sonra "Vətən uğrunda" medalı və 3-cü dərəcəli "Vətənə xidmətə görə" ordeni ilə təltif edilib.
