Gəncə şəhəri Aşıq Ələsgər adına 36 nömrəli tam orta məktəbin 9-cu sinif şagirdi Zahid Məmmədov BMT-nin təşkil etdiyi beynəlxalq konfransda iştirak edib.
Gencexeber.az-ın məlumatına görə, "İstədiyimiz Gələcək" ("Future We Want Model United Nations (FWWMUN)") mövzusunda keçirilən konfrans ABŞ-nin Nyu-York şəhərində baş tutub.
Dünyanın müxtəlif ölkələrindən gəncləri bir araya gətirən nüfuzlu platforma beynəlxalq münasibətlər, liderlik bacarıqları və qlobal problemlərin müzakirəsi üçün geniş imkanlar yaradıb.
Konfrans çərçivəsində iştirakçılar müxtəlif ölkələri təmsil edərək diplomatik müzakirələr aparıb, qlobal çağırışlarla bağlı həll yolları üzərində işləyiblər. Gəncəli məktəbli Zahid Məmmədov da tədbirdə çıxış edərək şəhərimizi beynəlxalq arenada təmsil edib.
