Gəncə şəhər 42 nömrəli tam orta məktəbin şagirdi Ülviyyə Musayeva böyük uğura imza atıb.
Gencexeber.az məlumat verir ki, Bolqarıstanın Samokov şəhərində keçirilən U15 Avropa çempionatında çıxış edən gənc güləşçimiz 33 kiloqram çəki dərəcəsində final görüşünə çıxıb.
Ülviyyə həlledici qarşılaşmada türkiyəli Yağmur Minaza tam üstünlüklə — 11:0 hesabı ilə qalib gələrək Avropa çempionu adını qazanıb.
Bu nəticə ilə Ülviyyə Musayeva U15 yaş qrupunda Avropa çempionu olan ilk azərbaycanlı qadın güləşçi kimi tarixə düşüb.
