Gəncənin tanınmış idman mütəxəssisləri - Gəncə MMA Mərkəzinin baş məşqçisi Cavidan Cəfərov və məşqçi Seymur Layıcov çəkildikləri yeni videoçarxda şəhərin mədəni və tarixi məkanlarını fon kimi seçərək idman hərəkətləri nümayiş etdiriblər.
Gencexeber.az-a bununla bağlı məlumat verən Cavidan Cəfərov videoçarx vasitəsilə gəncləri sağlam həyat tərzinə və idmanla məşğul olmağa təşviq etdiyini söyləyib:
"Məqsədim həm Gəncənin zəngin tarixini tanıtmaq, həm də yerli gəncləri fiziki aktivliyə ruhlandırmaqdır".
