Bakıda keçirilən TURAN-8 beynəlxalq kikboksinq seriyasının turnirində həmyerlimiz Elxan Əliyev möhtəşəm qələbəyə imza atıb.
Gencexeber.az məlumat verir ki, 80 kq çəki dərəcəsində çıxış edən idmançımız turnir çərçivəsində keçirdiyi hər iki döyüşünü nokautla başa vuraraq yarışın qalibi olub.
Elxan Əliyev qələbəsinə görə 2000 manat mükafatla təltif edilib.
Qeyd edək ki, Elxan Əliyev titullu idmançıdır:
* Dəfələrlə Azərbaycan çempionu;
* Dünya və Avropa çempionatlarının mükafatçısı;
* İslam Həmrəyliyi Oyunlarının bürünc mükafatçısı;
* WAKO PRO Avropa kəmərinin sahibi.
Peşəkar rinqdə göstəriciləri:
* 15 döyüş;
* 11 qələbə;
* 4 məğlubiyyət;
* 7 nokaut.
2002-ci ildən etibarən Elxan Əliyevin şəxsi məşqçisi – Azərbaycan Respublikasının əməkdar məşqçisi, dəfələrlə dünya çempionu Elnur Salamovdur.
