"ARB kanalında "İzzət şou"ya baxdım. Bəyəndim. Sənət haqqında düşüncələr, gələcək yaradıcılıq planları, retro mahnılara münasibət və digər suallar qonaqlar tərəfindən çox səmimi cavablandırıldı".
Gencexeber.az bildirir ki, bunu tanınmış gəncəli telejurnalist Əhməd Qədiroğlu sosial şəbəkə hesabında yazıb.
"Yaxşı olardı ki, Zaur Kamal, Tarix Əliyev və Zaur Nəbioğlu da, onlar kimi veriliş aparan bəzi şou-proqram aparıcıları da İzzətdən öyrənsinlər. İctimai əhəmiyyəti olmayan, dedi-qodu yaradan, əxlaqi dəyərlərimizə zidd olan, dəvət edilən qonaqların şəxsi həyatına aid olan suallar vermək peşəkarlıq deyil. Tanınmaq, heç də savadlı aparıcı olmaq demək deyil. Mənim fikrimcə, sadaladığım aparıcılar hələ televiziyanın mətbəxindən çıxa bilmirlər. Çünki proqramlarında qonaqlara hörmətsizlik, onların sözünü kəsib yersiz və məntiqsiz müdaxilə etmək, "mən, mən, mən" ifadələrini tez-tez işlətmək, özünüzü "hakimi mütləq" göstərib təkəbbürlük etmək heç birinizə hörmət gətirmir. Subyektiv fikirlərimdi, razılaşmaya bilərsiniz", - Ə.Qədiroğlu fikirlərini bölüşüb.
