Gəncəli gimnast fəxri kürsünün ən yüksək pilləsinə qalxıb.
Gencexeber.az məlumat verir ki, Neftçala Olimpiya İdman Kompleksində bədii gimnastika üzrə 10-cu Bölgələrarası Kubok yarışı keçirilib.
Turnirdə Gəncəni təmsil edən 2014-cü il təvəllüdlü Aylin Novruzova çoxnövçülük üzrə qızıl medal qazanıb. Gimnast alətsiz, top və gürzlərlə çıxış edərək hakimlərdən yüksək qiymət alıb.
Qeyd edək ki, Aylin Novruzova Gəncə şəhər 24 nömrəli tam orta məktəbin 6-cı sinif şagirdidir.
