Azərbaycanda toy mərasimləri şou-biznes nümayəndələrinin əsas gəlir mənbələrindən biri hesab olunur. Məşhur müğənnilərin iştirak etdiyi məclislər isə yüksək qonorarları ilə diqqət çəkir.
Yenisabah.az-ın apardığı araşdırma nəticəsində bir sıra tanınmış sənətçilərin toy məclislərində tələb etdikləri qonorarlar məlum olub.
Araşdırmada yer alan məlumatlara görə, gəncəli Əməkdar artist Abbas Bağırov toy məclislərində yarım saatlıq çıxış üçün 6 min manat qonorar tələb edir. Müğənninin bütöv toy məclisini aparmasının qiyməti isə 18 min manat təşkil edir.
Məlumata əsasən, tovuzlu Xalq artisti Tünzalə Ağayeva isə toy məclislərində yarım saatlıq və 45 dəqiqəlik proqramlarla çıxış edir. Sənətçi yarım saatlıq ifa üçün 6 500 manat, 45 dəqiqəlik proqram üçün isə 10 min manat qonorar tələb edir.
Toy məclislərində iştirak edən tanınmış müğənnilərin tələb etdiyi məbləğlər tədbirin formatı, çıxış müddəti və digər şərtlərdən asılı olaraq dəyişir.
