Almaniyanın paytaxtı Berlin şəhərində cüdo üzrə U18 "Avropa Kuboku 2026" keçirilib.
Gencexeber.az məlumat verir ki, sözügedən yarışda Gəncə şəhər 1 nömrəli Uşaq-Gənclər İdman-Şahmat məktəbinin cüdoçuları iştirak ediblər.
Gəncə idmançıları yüksək nəticələr əldə ediblər:
– İlkin Qarayev 66 kiloqram çəki dərəcəsində III yerə layiq görülərək bürünc medal qazanıb. O, şəxsi məşqçisi Hüseyn Allahverdiyevin rəhbərliyi altında yarışa qatılıb;
– Sadiq Məmmədov 73 kiloqram çəki dərəcəsində II yerə layiq görülərək gümüş medal qazanıb. O, şəxsi məşqçisi Samir İsmayılovun rəhbərliyi altında turnirdə iştirak edib;
– Ruslan Kazımov +90 kiloqram çəki dərəcəsində III yerə layiq görülərək bürünc medal qazanıb. O, şəxsi məşqçisi Ceyhun Bayramovun rəhbərliyi altında birincilikdə çıxış edib.
