Gəncədə sakinlərin narazılığına səbəb olan məsələlərdən biri də şəhər ərazisinə daxil olan yük avtomobilləri ilə bağlıdır.
Gencexeber.az-a daxil olan çoxsaylı şikayətlərə görə, bəzi yük avtomobillərinin yük bölməsində daşınan çınqıl, mişar daşları, torpaq və digər tikinti materiallarının üstü tentlə örtülmür.
Sakinlər bildirirlər ki, bu səbəbdən hərəkət zamanı ətrafa toz yayılır, yolun nahamar hissələrində isə yükün bir qismi avtomobildən yerə tökülür. Bu hal həm yollarda çirklənməyə, həm də digər nəqliyyat vasitələri üçün təhlükəli vəziyyətin yaranmasına səbəb olur.
Vətəndaşlar aidiyyəti qurumlardan şəhər ərazisinə daxil olan və yük daşıyan avtomobillərə nəzarətin gücləndirilməsini, yük bölmələrinin örtülü şəkildə olmasına dair tələblərin icrasını istəyirlər.
