Son günlər havaların qeyri-sabit keçməsi və yağan leysan xarakterli yağışlar Gəncə şəhərində çoxmənzilli yaşayış binalarının dam örtüklərində və novdanlarında fəsadlara yol açıb.
Gencexeber.az bildirir ki, mövcud vəziyyəti aradan qaldırmaq məqsədilə Mənzil Kommunal Təsərrüfatı İstehsalat Birliyinin (MKTİB) Təmir-Tikinti və Təchizat xidməti şöbəsi tərəfindən şəhərin Gülüstan qəsəbəsində yerləşən 33 saylı yaşayış binasının dam örtüyünün novdanlarındakı nasazlıq aradan qaldırılıb.
Belə ki, binanın novdanlarının bir hissəsində yığılıb qalan palçıq kütləsi yağış sularının normal axınına maneçilik törətdiyi üçün həmin hissə dəyişdirilərək yenilənib.
