Azərbaycan Respublikasının Energetika Nazirliyi və Ailə, Qadın və Uşaq Problemləri üzrə Dövlət Komitəsi tərəfindən bölgələrdə vətəndaş qəbulları təşkil olunacaq.
Gencexeber.az məlumat verir ki, energetika naziri Pərviz Şahbazov 17 aprel 2026-cı il tarixində saat 11:00-da Goranboy rayon Heydər Əliyev Mərkəzində vətəndaşları qəbul edəcək. Qəbulda Goranboy, Yevlax, Göygöl, Samux, Tərtər, Xocalı rayonları və Gəncə şəhərindən olan sakinlərin müraciətləri dinləniləcək.
Digər qəbul isə Ailə, Qadın və Uşaq Problemləri üzrə Dövlət Komitəsi tərəfindən keçiriləcək. Komitə sədri Bahar Muradova 10 aprel 2026-cı il tarixində saat 10:00-da Yeni Azərbaycan Partiyasının Gəncə şəhər təşkilatının inzibati binasında vətəndaşları qəbul edəcək. Bu qəbulda Gəncə şəhəri, Samux və Kəlbəcər rayon sakinlərinin müraciətlərinə baxılacaq.
Vətəndaşlar qəbullarda iştirak edərək onları narahat edən məsələlərlə bağlı aidiyyəti üzrə müraciətlərini təqdim edə bilərlər.
