Gəncə şəhər 33 nömrəli tam orta məktəbdə İcma əsaslı Məktəbəqədər Təhsil qrupu açılır.
Gencexeber.az məlumat verir ki, 2026–2027-ci tədris ili üçün 2-5 yaşlı uşaqların qəbulu başlayıb. Təhsil isə tamamilə ödənişsizdir.
Tədris prosesi və uşaqlar üçün yaradılacaq imkanlar bu cür təşkil ediləcək:
– Dərslər həftədə 4 gün, gündəlik 2 saat keçiriləcək;
– Fərdi yanaşma və intellektual inkişafa diqqət yetiriləcək;
– Yaradıcı fəaliyyətlər, oyunlar və təlimlər təşkil olunacaq;
– Uşaqlar üçün təhlükəsiz və təmiz mühit yaradılacaq;
– Uşaqların sosial və nitq bacarıqlarının inkişafına dəstək göstəriləcək.
Proqram çərçivəsində uşaqlarda zehni və intellektual bacarıqlar, nitq və ünsiyyət, motorika və yaradıcılıq, sosial davranış və özünəinam inkişaf etdiriləcək.
Bundan əlavə, dərsliklər və bütün zəruri ləvazimatlar dövlət tərəfindən qarşılanır. Valideynlər üçün təhsil otağı və istifadə olunan vəsaitlər tamamilə pulsuz təqdim olunur.
Qəbuldan yararlanmaq istəyən valideynlər məktəbə müraciət edə bilərlər.
