2026-cı ilin yanvar-mart aylarında Gəncə şəhərində nəqliyyat və rabitə sahələrində fəaliyyət göstəriciləri açıqlanıb.
Gencexeber.az-a Gəncə Şəhər Statistika İdarəsindən verilən məlumata əsasən, cari ilin ilk üç ayında nəqliyyat sektorunda fəaliyyət göstərən müəssisələr və fiziki şəxslər tərəfindən 1,5 milyon ton yük və 25,8 milyon sərnişin daşınıb.
Ötən ilin müvafiq dövrü ilə müqayisədə yük daşınması 6,6 faiz, sərnişin daşınması isə 9,2 faiz artıb.
Məlumata görə, 2026-cı ilin yanvar-mart aylarında informasiya və rabitə sahəsində göstərilmiş xidmətlərin həcmi 1,8 milyon manat təşkil edib.
Qeyd edək ki, statistik göstəricilər Gəncə şəhərində nəqliyyat və rabitə sektorlarında artım dinamikasının davam etdiyini göstərir.
