2026-cı ilin yanvar-iyun aylarında Gəncə şəhərində kənd təsərrüfatı sahəsində 1 milyon 812 min 200 manatlıq məhsul istehsal edilib.
Gencexeber.az-ın Gəncə Şəhər Statistika İdarəsindən əldə etdiyi məlumatına əsasən, bu dövrdə şəhər üzrə 152,7 hektarda kənd təsərrüfatı bitkiləri əkilib. Sahələrin 74,1 hektarını dənli və dənli paxlalı bitkilər, 10,1 hektarını qarğıdalı, 0,7 hektarını günəbaxan, 31,2 hektarını tərəvəz, 36,6 hektarını isə yem bitkiləri təşkil edib.
İlin ilk altı ayında 62,3 ton dənli və dənli paxlalı bitkilər, 134,1 ton tərəvəz, 149,4 ton yem bitkiləri, 275,3 ton meyvə və giləmeyvə yığılıb.
Hesabat dövründə şəhərin heyvandarlıq təsərrüfatlarında 697 baş iribuynuzlu mal-qara (onlardan 274 baş inək və camış), həmçinin 1363 baş qoyun və keçi qeydə alınıb.
2026-cı ilin yanvar-iyun aylarında Gəncədə 45 ton ət, 340 ton süd, 610 min ədəd yumurta və 2 ton yun istehsal olunub.
Ümumi kənd təsərrüfatı məhsulunun faktiki qiymətlərlə dəyəri 182,2 milyon manat təşkil edib. Bunun 27,5 faizi heyvandarlıq, 72,5 faizi isə bitkiçilik məhsullarının payına düşüb.
