Gəncə şəhərinin Gülüstan qəsəbəsində yerləşən Tofiq Əliyev küçəsinin sakinləri uzun illərdir yol problemi ilə üz-üzə qaldıqlarını bildirirlər.
Gencexeber.az-a daxil olan şikayətlərə görə, 14 nömrəli tam orta məktəbin yaxınlığında yerləşən küçədə asfalt örtüyü yoxdur. Nəticədə həm piyadaların, həm də avtomobillərin hərəkəti xeyli çətinləşib.
Xüsusilə yağışlı havalarda vəziyyət daha da ağırlaşır. Palçıq və dərin çuxurlar səbəbindən taksi sürücüləri çağırış ünvanına gəlməkdən imtina edir.
Tofiq Əliyev küçəsində yaşayanlar aidiyyəti qurumlardan asfalt örtüyünün çəkilməsini xahiş edirlər.
