Gəncədə hərəkətin intensiv olduğu ərazilərdə qaraçıların "fəaliyyəti" sürücülər üçün ciddi təhlükə mənbəyinə çevrilib.
Gencexeber.az-ın məlumatına görə, qaraçılar xüsusilə işıqforlu yolayrıclarında və əsas prospektlərdə avtomobillərə yaxınlaşaraq sürücüləri narahat edir, bəzi hallarda isə birbaşa yolun hərəkət hissəsinə daxil olurlar. Bu cür davranışlar həm onların həyatını, həm də digər yol hərəkəti iştirakçılarının təhlükəsizliyini ciddi risk altına qoyur.
Təqdim etdiyimiz görüntülər şəhər ərazisində dünən, dekabrın 21-də qeydə alınıb. Xatırladaq ki, analoji hallar bir neçə ay əvvəl də müşahidə olunub və həmin dövrdə çəkilən videolar mövcuddur.
Vətəndaşlar aidiyyəti qurumlardan məsələnin köklü şəkildə həll olunmasını tələb edirlər.
