Gəncədə uşu üzrə turnir təşkil ediləcək.
Gencexeber.az-ın məlumatına görə, Gəncə Olimpiya İdman Kompleksində uşu üzrə Vətən müharibəsi şəhidlərinin xatirəsinə həsr olunan "Zəfər Kuboku" turniri keçiriləcək.
Yarış 22–23 noyabr tarixlərində baş tutacaq. Gənclər və İdman Nazirliyinin Gəncə–Daşkəsən nümayəndəliyinin, Azərbaycan Uşu Federasiyasının və digər aidiyyəti qurumların təşkilatçılığı ilə keçiriləcək turnirdə idmançılar uşu sanda üzrə müxtəlif çəki dərəcələrində mübarizə aparacaqlar.
Yarışın əsas məqsədi Vətən müharibəsində qəhrəmanlıq göstərərək şəhidlik zirvəsinə ucalan igidlərin xatirəsini anmaq, həmçinin gənclər arasında döyüş növlərinə marağı artırmaqdır.
Turnirdə ölkənin müxtəlif bölgələrindən çox sayda uşu komandalarının iştirakı gözlənilir. Təşkilatçılar bildirirlər ki, yarış yüksək səviyyədə təşkil olunacaq və həm idmançıların hazırlığı, həm də tribunadakı ab-hava baxımından əlamətdar günlərdən biri olacaq.
