İyulun 23-də Gəncə şəhərində şəhid və müharibə veteranlarının qadın ailə üzvlərinin əl işlərindən ibarət sərgi keçiriləcək.
Gencexeber.az məlumat verir ki, sərgi "Şəhid və müharibə veteranlarının qadın ailə üzvləri üçün sahibkarlıq kursları" layihəsi çərçivəsində təşkil olunur. Tədbirdə layihə üzrə təlimləri uğurla başa vuran iştirakçıların hazırladıqları əl işləri nümayiş etdiriləcək.
Tədbir saat 11:00-da Gəncə şəhərinin Xan bağı parkında baş tutacaq.
Qeyd edək ki, layihə Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin dəstəyi və Azərbaycan Respublikası Gəncə Sahibkar Qadınlar İctimai Birliyinin (ASQİB) təşkilatçılığı ilə həyata keçirilir.
