Dünya Azərbaycanlılarının Həmrəylik Günü və Yeni ilin gəlişi münasibəti ilə Gəncədə bir sıra hazırlıqlara başlanıb.
Gencexeber.az məlumat verir ki, Yeni ilin simvolu sayılan küknar ağacının qurulması işləri şəhərin baş meydanında artıq yekunlaşıb. Bakı Abadlıq Xidməti və Gəncə şəhər Mənzil Kommunal Təsərrüfatı İstehsalat Birliyinin əməkdaşları tərəfindən qurulan yolkanın hündürlüyü təxminən 10 metrdir. Küknar ağacı 250-ə yaxın müxtəlif oyuncaqlar və işıq effektləri ilə bəzədilib. Yolkanın ətrafında şaxta baba, qar qız və nağıl qəhrəmanları üçün xüsusi yerlər hazırlanıb.
Yeni ilin simvolu yanvar ayının ilk yarısına qədər meydanı bəzəyəcək. Bundan başqa, Dünya Azərbaycanlılarının Həmrəylik Günü və Yeni ilin gəlişi münasibəti ilə Gəncə şəhərinin bir sıra prospekt və küçələri rəngli işıqlarla da bəzədilir.
Qeyd edək ki, ötən il Gəncə şəhər Mənzil Kommunal Təsərrüfatı İstehsalat Birliyinin Təmir-Tikinti və Qəza xidmətinin texnikaları və əməkdaşları tərəfindən qurulan yolkanın hündürlüyü 21 metr idi.
