2025-ci ildə Gəncə şəhərində kənd təsərrüfatının vəziyyəti haqqında statistik məlumatlar açıqlanıb.
Gencexeber.az-a Gəncə Şəhər Statistika İdarəsindən verilən məlumata görə, 2025-ci ilin məhsulu üçün 42,2 hektar kənd təsərrüfatı bitkiləri əkilib. Bundan 8 hektar dənli və dənli paxlalı bitkilər, 34,2 hektar isə tərəvəz bitkiləri təşkil edib.
2025-ci ildə tarlalardan 16,7 ton dənli və dənli paxlalı bitkilər, 144,6 ton tərəvəz, 901,2 ton meyvə və giləmeyvə, 411,4 ton üzüm toplanıb.
2026-cı ilin yanvar ayının 1-i vəziyyətinə təsərrüfatlarda 688 baş iribuynuzlu mal-qara (ondan 273 baş inək və camış), 1237 baş qoyun və keçi mövcud olub. Qeyd edək ki, 2025-ci ilin oktyabr ayının 1-i vəziyyətinə şəhərdə 659 baş iribuynuzlu mal-qara (ondan 257 baş inək və camış), 1119 baş qoyun və keçi qeydə alınıb.
2025-ci il üzrə heyvandarlıq sahəsində 210,0 ton ət diri çəkidə, 671,0 ton süd, 1203 min ədəd yumurta, 2,0 ton yun istehsal edilib.
2025-ci il üzrə kənd təsərrüfatının ümumi məhsulunun faktiki qiymətlərlə dəyəri 5454,4 min manat təşkil etmişdir ki, onun da 3270,0 min manatı bitkiçilik məhsullarının, 2184,4 min manatı isə heyvandarlıq məhsullarının payına düşür.
