Gəncədəki Aleksandr Nevski adına Rus Pravoslav Kilsəsində Milad bayramı qeyd olunur.
Gencexeber.az bildirir ki, kilsədə əvvəlcə Azərbaycan Respublikasının Prezidenti İlham Əliyevin Milad bayramı ilə bağlı təbriki oxunub. Daha sonra Aleksandr Nevski kilsəsinin dini heyəti Həzrəti İsanın mövludu ilə bağlı ayinlər icra edib. Pravoslavlar kilsədə şamlar yandıraraq, dini ayinlər həyata keçirib, dualar oxuyublar.
Pravoslav xristianlar yanvarın 6-dan 7-nə keçən gecə İsa Peyğəmbərin mübarək mövludunu - Milad bayramını qeyd edirlər. Bu bayram Müqəddəs gecədən başlayır. Həmin gün pravoslavlar üçün 40 günlük pəhrizin sonuncu günü və Milad bayramına hazırlıq dövrüdür.
Xatırladaq ki, Gəncə şəhərində təxminən 200 ailədən artıq pravoslav yaşayır.
