Xəbər verdiyimiz kimi, Gəncə şəhərinin Atatürk prospektində 2003-cü il təvəllüdlü Zamir Rzayev bıçaqlanaraq qətlə yetirilib. Polis əməkdaşları tərəfindən keçirilən tədbirlər nəticəsində qətl hadisəsini törətməkdə şübhəli bilinən, Gəncə şəhər sakini, 17 yaşlı şəxs saxlanılaraq istintaqa təhvil verilib.
Gencexeber.az-ın məlumatına görə, mərhum Daşkəsən rayon sakini olsa da, son dövrlər Gəncə şəhərinin Məhsəti qəsəbəsində yaşayıb. Hadisə gecə saat 03:00 radələrində qeydə alınıb.
İlkin araşdırmalar zamanı məlum olub ki, tərəflər arasında yaranan mübahisə zamanı 17 yaşlı yeniyetmə Zamir Rzayevə bud nahiyəsindən bıçaq xəsarəti yetirib. Ağır yaralanan şəxs kəskin qan itirmə səbəbindən vəfat edib.
Faktla bağlı Gəncə şəhər Prokurorluğunda araşdırma başlanılıb.
