Gəncədə muzey direktoru beynəlxalq mükafat aldı.
Gencexeber.az məlumat verir ki, Nizami Gəncəvi Muzeyinin direktoru Teymur Əliyev Qırğızıstanın Çingiz Aytmatov adına "Qızıl Qələm" döş nişanı ilə təltif olunub. Təltif Qırğızıstan Elmlər Akademiyasının direktoru Sımbatxan Şakirovanın sərəncamı ilə təqdim edilib.
Mükafatlandırma Nizami Gəncəvi Muzeyində keçirilən beynəlxalq görüş çərçivəsində baş tutub. Tədbirdə Türkiyə, Qazaxıstan, Qırğızıstan, Özbəkistan və Tacikistan respublikalarını təmsil edən görkəmli elm xadimləri, xalq şairləri və ali təhsil müəssisələrinin rektorları iştirak ediblər.
