Gəncə şəhərində güclü külək səbəbindən ağac aşıb.
Gencexeber.az-ın məlumatına görə, hadisə bu gün səhər saatlarında Məmməd Səid Ordubadi küçəsində – M.Əzizbəyov adına 15 nömrəli tam orta məktəbin yaxınlığında baş verib. Təxminən 10-12 metr uzunluğunda olan iri ağac əyilərək avtomobillərin və piyadaların hərəkət etdiyi yolun üzərində yarı düşmüş halda durub.
Sakinlərin sözlərinə görə, vəziyyət ciddi təhlükə yaradır:
"Uşaqlarımız hər gün bu yolla məktəbə gedib-gəlirlər. Ağac sallanmış halda qalıb, istənilən an tam aşa bilər. Xahiş edirik ki, gəlib kəsib aparsınlar, balaların üstünə düşə bilər".
