Gəncədə 32 nömrəli məktəbin qarşısında kanalizasiya borusu partlayıb.
Gencexeber.az məlumat verir ki, artıq bir neçə gündür Heydər Əliyev prospekti 3 ünvanında asfalt örtüyünün altından çirkab suları sızır. Sakinlər bildirirlər ki, borunun partlaması nəticəsində əraziyə dağılan suyun yaydığı xoşagəlməz qoxu burada yaşayanlar üçün ciddi narahatlıq yaradır.
Məsələ ilə bağlı bina sakinləri dəfələrlə "Azərsu" ASC-nin "955" qaynar xəttinə müraciət ediblər. Qurumun əməkdaşları əraziyə baxış keçirsələr də, indiyə qədər heç bir tədbir görülməyib və problem öz həllini tapmayıb.
Sakinlər qısa zamanda sızmanın qarşısının alınmasını tələb edirlər.
