Gəncə-Daşkəsən Regional Təhsil İdarəsinin tabeliyində fəaliyyət göstərən Gəncə şəhəri, Daşkəsən və Göygöl rayonları üzrə ümumi təhsil müəssisələrində loqoped və korreksiyaedici təlimçi vəzifələri üzrə vakant yerlərə qəbul elan edilir.
Gencexeber.az bildirir ki, xüsusi qayğıya ehtiyacı olan uşaqların inkişafına dəstək vermək və inklüziv təhsilin keyfiyyətinin artırılmasına töhfə vermək istəyən ixtisaslı namizədlər vakansiyalara müraciət edə bilərlər.
Vakansiyalara müraciət üçün tələblər:
• Loqopediya və ya Korreksiyaedici pedaqogika (Xüsusi təhsil) ixtisasları üzrə ali təhsil.
• Fərqli inkişaf xüsusiyyətləri olan uşaqlarla iş təcrübəsinə malik olmaq.
• Fərdi İnkişaf Planlarının (FİP) hazırlanması və inklüziv təhsil metodlarına bələd olmaq.
• Uşaqlarla fərdi və qrup şəklində korreksiyaedici məşğələlər aparmaq bacarığına, yüksək səbir, məsuliyyət və effektiv ünsiyyət qabiliyyətinə malik olmaq.
Müvafiq tələblərə cavab verən namizədlər müəyyən olunmuş qaydada vakansiyalara müraciət edə bilərlər.
Qeydiyyat 10 iyul tarixinədək davam edəcək. Qeydiyyat üçün link.
