Gəncədə bağçanın damı bərpa olunur.
Gencexeber.az-ın məlumatına görə, cari ilin fevralın 27-də güclü külək nəticəsində Gəncə şəhər 46 saylı körpələr evi–uşaq bağçasının dam örtüyü aşıb. Hadisə zamanı xəsarət alan olmasa da, binanın uçan konstruksiya bir müddət yerdə qalmışdı.
Artıq aidiyyəti qurum tərəfindən təhsil müəssisəsinə canlı qüvvə cəlb olunub. İşçilər dam örtüyünün taxta karkasının quraşdırılması işlərini yekunlaşdırıblar. Yaxın zamanda təmir-bərpa işlərinin tam başa çatdırılması gözlənilir.
