Gəncədə piyada səkisinin zəbt olunması ilə bağlı narazılıq yaranıb.
Gencexeber.az məlumat verir ki, sözügedən hal Nizami Gəncəvi prospektində, Gəncə Qarnizonu Zabitlər Evinin qarşısında müşahidə edilir. Şəhər sakinlərinin sözlərinə görə, prospekt üzərində fəaliyyət göstərən köşk sahibi piyada səkisinin üzərinə stellaj və qutular yerləşdirib. Nəticədə səkinin bir hissəsi qismən tutulub və piyadaların sərbəst hərəkəti məhdudlaşıb.
Məsələ ilə bağlı dəfələrlə şikayət edilsə də, sahibkar ərazini boşaltmaqdan imtina edib. Sakinlər aidiyyəti qurumlardan problemin həlli üçün tədbir görülməsini tələb edirlər.
