Müğənni Aysun İsmayılova anası Rəqsanə İsmayılovanın həbsindən sonra ilk dəfə efirə çıxıb.
Gencexeber.az məlumat verir ki, ifaçı "Tarixin bir günü" verilişində qonaq olub. A.İsmayılova anasına səslənərkən göz yaşlarını saxlaya bilməyib.
"Söz vermişdim ki, ağlamayacağam, güclü olmağa çalışıram. İnanıram ki, hər şey yaxşı olacaq. Bu həyat bir sınaqdır, betərin betəri var. Sadəcə buradan anama demək istəyirəm ki, səni çox sevirəm. Bilirəm ki, izləyir. Bu dövrlər mənə çox şey öyrətdi. Sənət cameasındən mənə zəng edənlər oldu, hansı ki, yaşca çox böyükdürlər, onlarla tanışlığım yox idi.
Ən yaxın bildiklərim uzaq kimi davrandılar, uzaq bildiklərim yaxın kimi. Mənim üçün çox çətin dövr idi. Mən böyüdüm, gücləndim, pisi-yaxşını seçə bilirəm" – A.İsmayılova bildirib.
Qeyd edək ki, 25 may 1979-cu ildə Goranboyda dünyaya gələn Rəqsanə İsmayıl qızı İsmayılova dələduzluq ittihamı ilə həbs olunub.
