Qafqazın ən qədim və ən zəngin parklarından biri olan Xan Bağında Gəncə şəhər Mənzil Kommunal Təsərrüfatı İstehsalat Birliyi (MKTİB) tərəfindən yaşıllaşdırma və təmizlik aksiyası keçirilib.
Gencexeber.az bildirir ki, qurumun əməkdaşları və xüsusi təyinatlı texnikaları vasitəsilə parkın mövcud yaşıllıq zolağına aqrotexniki qulluq göstərilib, istirahət məkanında sağlam iqliminin qorunub saxlanılması istiqamətində bir sıra qabaqlayıcı tədbirlər həyata keçirilib.
Bundan başqa MKTİB tərəfindən parkın döşəmələri, oturacaqları, fəvvarələri və gül qabları yuyularaq təmizlənib, mövcud yaşıllıqlara aqrotexniki qulluq göstərilib, suvarılması təmin edilib. İstirahət məkanının suvarılmasını təmin edən, hidrotexniki qurğulara və təbii arxlara qulluq göstərilib.
