Gəncədə möhtəşəm konsert proqramı təşkil olunacaq.
Gencexeber.az məlumatı verir ki, 8 noyabr - Zəfər Günü ilə əlaqədar Gəncədə konsert olacaq. Tədbir Gəncə şəhərinin Heydər Əliyev adına meydanında (Gəncə Şəhər İcra Hakimiyyətinin İnzibati binasının qarşısı) baş tutacaq.
Gəncə Şəhər İcra Hakimiyyətinin İnzibati binasının qarşısında artıq səhnənin qurulması işlərinə start verilib. Redaksiyamız tərəfindən tədbirin başlanğıc vaxtı və proqramı barədə məlumat əldə edildikdən sonra ictimaiyyətə təqdim olunacaq.
Qeyd edək ki, keçən il 8 noyabr - Zəfər Günü ilə əlaqədar konsert Gəncə şəhərinin Heydər Əliyev adına meydanında saat 19:00-da təşkil edilib.
