Respublika Klinik Xəstəxanasında 1966-cı il təvəllüdlü qadın 23 illik sonsuzluqdan sonra ana olub.
Gencexeber.az məlumat verir ki, hamiləliyin 31–32-ci həftəsində pasiyent həkim nəzarətinə götürülüb. Müalicəyə tabe olmayan yüksək təzyiq müşahidə olunduğu üçün erkən doğuşa qərar verilib və pasiyent təcili keysəriyyə əməliyyatına alınıb.
Əməliyyat uğurla icra edilib, çəkisi 1900 qram olan qız dünyaya gəlib.
Körpə erkən doğulması və tənəffüs pozğunluğu sindromu səbəbindən ağır vəziyyətdə olub.
Körpəyə vəziyyətinə uyğun intensiv terapiya, antibiotik müalicəsi və respirator dəstək göstərilib.
17 günlük müalicə və müşahidə dövründə körpənin tənəffüs və hemodinamik göstəriciləri stabilləşib, ümumi vəziyyəti yaxşılaşıb.
25 oktyabr 2025-ci il tarixində ana və körpəsi qənaətbəxş vəziyyətdə evə buraxılıb.
