BMT-nin Ərzaq və Kənd Təsərrüfatı Təşkilatının (FAO) dəstəyi ilə Gəncə şəhərində "Heyvan sağlamlığının təmin olunmasında fermerlərə göstərilən aqrar xidmətlərin rolu" mövzusunda təlim keçiriləcək.
Gencexeber.az bildirir ki, təlim beynəlxalq təcrübəyə malik ekspertlər — Örsan Güngör və Osman Cengiz tərəfindən aparılacaq.
Proqram çərçivəsində "Biotəhlükəsizliyin təmin olunmasında heyvan sağlamlığının rolu", "Virus xəstəliklərinin tanınması və onların müalicəsində müasir üsullardan istifadə", "Süd itkisinin əsas səbəbi – Mastit xəstəliyi", "Cins tərkibinin yaxşılaşdırılmasının heyvan sağlamlığında əhəmiyyəti", "İribuynuzlu heyvanlarda zoonoz xəstəliklərə səbəb olan amillər və profilaktikası", "Vahid sağlamlıq konsepsiyasında heyvan sağlamlığı əhəmiyyəti" üzrə təlimlərin keçirilməsi nəzərdə tutulur.
Təlimlər 18 noyabr tarixində Gəncə şəhərində, Azərbaycan Dövlət Aqrar Universitetinin inzibati binasında təşkil olunacaq. İki mərhələdən ibarət olan təlimin birinci mərhələsi fermerlər, ikinci mərhələsi isə baytar həkimlər üçün nəzərdə tutulub. Hər iki təlim günü saat 09:00-da başlayacaq və 17:30-a qədər davam edəcək.
Tədbirin əsas məqsədi fermerlərin bilik və bacarıqlarını artırmaqla yanaşı, heyvan sağlamlığının qorunması və baytarlıq xidmətlərinin davamlı inkişafında aqrar xidmətlərin mühüm rolunu önə çıxarmaqdır.
Təlimlərdə iştirak etmək istəyən fermerlər, baytar həkimlər, tələbələr və bu sahəyə marağı olan şəxslər qeydiyyat üçün linkə daxil ola bilərlər.
