Gəncədə iki nəfərin xəsarət alması ilə nəticələnən yol qəzası baş verib.
Gencexeber.az-ın məlumatına görə, Gəncə şəhəri ərazisində iki piyadanı maşın vurub. Qəza nəticəsində 1990-cı il təvəllüdlü Emin Heydərov və 2007-ci il təvəllüdlü Şəmkir rayonunun Qədimqala kənd sakini Sədrəddin Əliyev müxtəlif dərəcəli bədən xəsarətləri alıblar.
Yaralılar Gəncədəki tibb müəssisələrindən birinə yerləşdiriliblər. Onlara ilkin tibbi yardım göstərilib. Vəziyyətləri kafidir.
Hadisənin başvermə səbəbləri və digər təfərrüatlar araşdırılır.
