2026-cı ilin yanvar-mart aylarında Gəncə şəhərində əsas kapitala yönəldilən investisiyaların həcmi 26,4 milyon manat təşkil edib.
Gencexeber.az-a Gəncə Şəhər Statistika İdarəsindən təqdim edilən məlumata əsasən, ümumi sərmayənin 58,4 faizi dövlət, 41,6 faizi isə qeyri-dövlət sektorunun sərmayədarları tərəfindən qoyulub. Əsas kapitala yönəldilən vəsaitin 67,2 faizi tikinti-quraşdırma işlərinə sərf olunub.
Hesabat dövründə tikinti sektorunda da müəyyən artım müşahidə edilib. Belə ki, 2026-cı ilin ilk üç ayı ərzində tikinti müəssisələri tərəfindən (fərdi sahibkarlar da daxil olmaqla) yerinə yetirilmiş inşaat işlərinin dəyəri 12,8 milyon manat olub.
