Gəncədə fəaliyyət göstərən iki ali təhsil müəssisəsinin əməkdaşları elmi dərəcə və elmi ad alıblar.
Gencexeber.az məlumat verir ki, Azərbaycan Respublikasının Prezidenti yanında Ali Attestasiya Komissiyasının qərarı ilə Azərbaycan Texnologiya Universitetinin Xarici dillər kafedrasının əməkdaşı Turanə Güloğlan qızı Məmmədovaya filologiya üzrə fəlsəfə doktoru elmi dərəcəsi verilib. O, 5714.01 – Müqayisəli-tarixi və müqayisəli-tipoloji dilçilik ixtisasında bu elmi dərəcəyə layiq görülüb.
Bundan başqa, komissiyanın qərarı ilə Azərbaycan Dövlət Aqrar Universitetinin Ümumi əkinçilik, genetika və seleksiya kafedrasının müəllimi, aqrar elmlər üzrə fəlsəfə doktoru Könül Elçin qızı Babayevaya 3103.04 – Seleksiya və toxumçuluq ixtisası üzrə dosent elmi adı verilib.
