Xəbər verdiyimiz kimi, Gəncədə yeni istifadəyə verilmiş Memorial Kompleksi və Gəncəçay Park-Bulvar Kompleksinin Bayraq meydanı olan hissəsi bir müddətdir işıqlandırılmır.
Bu barədə Gencexeber.az-a müraciət edən şəhər sakinlərinin şikayətlərinə cavab olaraq Gəncə Şəhər İcra Hakimiyyətindən Gəncəçay Park-Bulvar Kompleksinin Bayraq meydanı olan hissəsində gecə işıqlanması hazırda aktiv olmaması təstiqlənərək bildirilib ki, sözügedən hal ərazidə aparılan abadlıq və yenidənqurma işləri ilə əlaqədardır.
Qurumdan qeyd edilib ki, Gəncə Memorial Kompleksinin ərazisində gecə işıqlanmasının işləməməsi isə texniki nasazlıqla bağlıdır: "Məsələnin aradan qaldırılması üçün müvafiq xidmət strukturları tərəfindən təmir-bərpa işləri aparılır və yaxın zamanda işıqlandırma sisteminin normal fəaliyyəti bərpa ediləcəkdir".
