Gəncədə Birinci Qarabağ müharibəsi qazisi vəfat edib.
Gencexeber.az-ın məlumatına görə, qazi Vüqar Səfər oğlu İsmayılov dünyasını dəyişib. 58 yaşlı kişi uzun müddət onkoloji xəstəlikdən əziyyət çəkib. Mərhum Samux rayon Əhmədbəyli kənd qəbiristanlığında torpağa tapşırılıb.
Qeyd edək ki, Vüqar İsmayılov "Geroy" təxəllüsü ilə tanınıb. O, Birinci Qarabağ müharibəsi zamanı Ağdam rayonunun Xıdırlı kəndi istiqamətində ağır yaralanıb.
Məlumata görə, minaatan mərmisinin partlaması nəticəsində Vüqar İsmayılov sağ ayağını və sağ qolunu itirib. Bir il Bakıda müalicə aldıqdan sonra ona protezlər qoyulub. O, aldığı ağır xəsarətlərə baxmayaraq, həyat mübarizəsini davam etdirib. Prezident təqaüdçüsü olan Vüqar İsmayılov iki oğul atası idi.
Allah rəhmət eləsin.
