Gəncə Şəhər İcra Hakimiyyəti Mənzil Kommunal Təsərrüfatı İstehsalat Birliyinin (MKTİB) Ərazi Xidmət Sahələri əməkdaşları və qurumun xüsusi texnikaları tərəfindən məsuliyyətsiz sakinlərin çirkləndirdiyi ərazilərdə növbəti dəfə təmizlik işləri həyata keçirilib.
Gencexeber.az bildirir ki, MKTİB tərəfindən bu dəfə şəhərin Sadıllı qəsəbəsində, Atatürk, Heydər Əliyev və Nizami Gəncəvi prospektində, Məmmədtağı Cəfərov və Məmməd Bürcəliyev küçəsində, eləcə də başqa ərazilərdə həyata keçirilən təmizlik işləri zamanı ərazilər məişət tullantılarından, alaq otlarından, xəzəldən, eləcə də toz-torpaqdan təmizlənib, yığılan tullantıların ərazidən daşınması təmin olunub.
Bununla paralel olaraq, Sadıllı qəsəbəsindən keçən su arxında daşma təhülkəsini önləmək məqsədilə suyun axınına mane yaradan tullantılar da təmizlənib. Adıçəkilən ünvanlarda məişət tullantılarının atılması üçün nəzərdə tutulan müxtəlif tutumlu konteynerlər boşaldılıb, ətrafları təmizlənib.
