Gəncədə küçənin işıqlandırılması istiqamətində işlər aparılıb.
Gencexeber.az-a Gəncə şəhər Mənzil Kommunal Təsərrüfatı İstehsalat Birliyindən verilən məlumata görə, qurumun İşıqlandırma şöbəsi tərəfindən şəhərin Gülüstan qəsəbəsində yerləşən Müzəffər Həsənov küçəsinin işıqlandırma problemi birdəfəlik həll olunub.
Belə ki, MKTİB tərəfindən adıçəkilən küçədə 15 ədəd dayaq üzərindən 600 metr kabel xətti çəkilib və hər dayağa 100 vatt gücündə LED lampaları olan plafonlar yerləşdirilib. Görülən işlər qurumun İşıqlandırma şöbəsinin əməkdaşları və texnikası vasitəsilə həyata keçirilib.
Qeyd edilib ki, Gəncə şəhərinin küçələrinin işıqlandırılma prosesi mərhələli şəkildə aparılır və məqsəd şəhər sakinlərinin gecə saatlarında təhlükəsiz hərəkətinin təmin edilməsidir.
Qurum tərəfindən əlavə edilib ki, bununla paralel olaraq MKTİB-nin İşıqlandırma şöbəsi tərəfindən xidməti ərazilərdə köhnə plafonlar dəyişdirilir, lampalar daha müasir qənaətli, eləcə də işıqlandırma sahəsi daha geniş olan yeni LED lampaları ilə əvəzlənirlər. Bundan başqa ehtiyac duyulan yerlərə yeni dirəklər basdırılır, müasir gecə işıqlandırma sistemi çəkilir.
