Gəncə şəhərində görkəmli alim, filologiya elmləri doktoru Aida İmanquliyevanın adını daşıyan yeni uşaq bağçası açılıb.
Gencexeber.az xəbər verir ki, bağçada uşaqlar üçün robotexnika, ingilis dili, rus dili, çin dili, alman dili, rəsm, gimnastika, balet və digər istiqamətlər üzrə dərslər təşkil olunacaq.
Məlumata görə, bağçada təqdim olunan bütün xidmətlər tamamilə ödənişsiz olacaq. Belə ki, uşaqların geyim formaları, dəftər-qələm ləvazimatları, çantaları, gətirilib-aparılması üçün nəqliyyat xidməti, diyetoloq nəzarəti altında qidalanma, həmçinin fizioterapiya xidməti də ödənişsiz şəkildə təmin ediləcək.
Qeyd edək ki, bağça Şəhid Fətulla Həsənovun adını daşıyan "Fətullaoğlu" MMC tərəfindən təsis olunub. Tədris ocağının ünvanı - Adil İsgəndərov, 59 (Köhnə Pivə zavodu ilə üzbəüz).
Övladını bağçaya qeydiyyatdan keçirmək istəyən şəxslərdən (+994) 55 751 76 77 mobil telefon nömrəsi ilə əlaqə saxlamağı xahiş olunur.
