Gəncə şəhər Nikolay Nekrasov adına 19 nömrəli tam orta məktəbin əsaslı təmirə bağlanmasından iki ildən artıq vaxt keçməsinə baxmayaraq, hələ də heç bir təmir və ya söküntü işlərinə başlanılmayıb.
Bu barədə Gencexeber.az-a müraciət edən şikayətçi valideynlər məlumat veriblər. Onların sözlərinə görə, məktəb bağlandıqdan sonra şagirdlər əvvəlcə 34 nömrəli tam orta məktəbdə təhsil alıblar. Ötən il isə əsaslı təmirdən çıxan 24 nömrəli tam orta məktəbə köçürülüblər.
Valideynlər bildirirlər ki, yeni tədris ilinin başlamasına az müddət qalsa da, heç bir iş görülmür.
Qeyd edək ki, Nikolay Nekrasov adına 19 nömrəli tam orta məktəb 1978-ci ildə istifadəyə verilib. Təhsil müəssisəsi 1176 şagird yerlikdir.
