Gəncə şəhər 7 nömrəli tam orta ümumtəhsil məktəbinin müəllim heyəti yeni tədris ilinə vahid geyim formasında başlayıb.
Gencexeber.az bildirir ki, bununla bağlı Gəncə-Daşkəsən Regional Təhsil İdarəsi məlumat yayıb.
Məlumata əsasən, bu addım pedaqoji kollektivdə nizam-intizamın və peşəkar mühitin gücləndirilməsinə xidmət edir.
Qeyd edək ki, bu təşəbbüsə qədər Gəncə-Daşkəsən Regional Təhsil İdarəsinin tabeliyində olan 6 ümumi təhsil müəssisəsində müəllim kollektivi vahid geyim formasından istifadə edirdi. Artıq bu rəqəm 12-yə çatır.
