Gəncəli aktyor və aparıcı Sərxan Kərəmoğlu "Tarixin bir günü" verilişində anasının erməni olması ilə bağlı şəhərdə yayılan şayiələrə münasibət bildirib.
Gencexeber.az məlumat verir ki, Sərxan Kərəmoğlu bu iddiaların əsassız olduğunu qeyd edib. Onun sözlərinə görə, həm atası, həm də anası köklü gəncəlidir və nə ailəsində, nə də nəsil şəcərəsində ermənilərlə hər hansı qohumluq əlaqəsi olmayıb.
Aparıcının Gəncə ilə bağlı fikirləri isə birmənalı qarşılanmayıb: "Gəncə mənim doğulduğum şəhərdir. Gəncədə çox gözəl bir özəllik var – həmin müəssisədə yüz nəfərdən biri qabağa gedərsə, 99-u onun ayağından çəkməyə başlayacaq. Onu qabağa verib, arxasınca getməyəcəklər."
O, şəxsi həyatı və ailəsi ilə bağlı yayılan dezinformasiyaların doğru olmadığını bir daha vurğulayıb.
