Gəncə şəhərində Şah İsmayıl Xətai prospektində yerləşən 63 nömrəli binanın fasadının təmiri ilə bağlı işlər uzun müddətdir davam etdirilmir.
Gencexeber.az-a daxil olan çoxsaylı şikayətlərə görə, "Bazar Store" mağazasının qarşısında yerləşən binanın üzərinə metal konstruksiyalar quraşdırılıb və onların üstünə yaşıl rəngli torlar çəkilib. Lakin artıq bir aya yaxındır ki, ərazidə heç bir iş görülmür – nə işçilər gəlir, nə də təmir prosesinin davam etdirilməsi ilə bağlı hər hansı hərəkət müşahidə olunur.
Sakinlər vəziyyətin həm məişət şəraitinə, həm də vizual görünüşə mənfi təsir etdiyini deyirlər:
"Bir aydır buranı tərk ediblər. Üstünü də yaşıl torla örtüblər. Nə işləyən var, nə gələn. İndi pəncərəmizin qarşısı tam bağlanıb. Ya gəlib işlərini davam etdirsinlər, ya da bu konstruksiyanı söküb aparsınlar. Belə olmaz".
Sakinlər aidiyyəti qurumlardan məsələyə müdaxilə edilməsini xahiş edirlər.
