Gəncə şəhərinin Yeni Gəncə qəsəbəsi, bina 16-nın sakinləri ciddi problemlə üzləşdiklərini bildirirlər.
Gencexeber.az-a şikayətçilər tərəfindən bildirilib ki, binada yağış sularının axıdılması üçün nəzərdə tutulan novlar bütün bloklar üçün quraşdırılmayıb. Nəticədə yağıntı zamanı su binanın müəyyən hissələrində toplanaraq birbaşa mənzillərin pəncərə və divarlarına axır.
Şikayətçilər bildirirlər ki, bu, mənzildə çatların yaranmasına və su sızmasına səbəb olur. Binanın 1-ci və 2-ci bloklarında novlar quraşdırılsa da, artıq yararsız hala düşüb.
Şikayətçilər aidiyyəti qurumlardan problemin araşdırılmasını, binanın həm ön, həm də arxa hissəsində novların quraşdırılmasını xahiş edirlər.
