Gəncə şəhər Olimpiya İdman Kompleksində sərbəst güləş üzrə "Oksi kəmər" turniri keçirilib.
Gencexeber.az məlumat verir ki, idman tədbiri Azərbaycan Güləş Federasiyası, Gəncə-Daşkəsən Regional Gənclər və İdman İdarəsi və "Oksi" qrupunun təşkilatçılığı ilə baş tutub. 15 yaşlı idmançılar arasında keçirilən beynəlxalq turnirdə Azərbaycan, Rusiya və Qazaxıstandan olan yeniyetmələr iştirak ediblər.
Turnirin açılış mərasimində əvvəlcə Dövlət Himni səsləndirilib, sonra torpaqlarımızın ərazi bütövlüyü və azadlığı uğrunda canlarından keçən şəhidlərin əziz xatirəsi bir dəqiqəlik sükutla yad olunub.
Çıxış edənlər bildirib ki, tədbirin əsas məqsədi gənclər arasında idmanın və sağlam həyat tərzinin təbliğidir.
Final yarışlarından sonra qalib idmançılar mükafatlandırılıb.
