Gəncədə 5 nömrəli marşrut xətti ilə hərəkət edən avtobuslarda natəmizlik baş alıb gedir.
Məsələ ilə bağlı Gencexeber.az-a şikayət ünvanlayan sərnişinlər bildirir ki, nəqliyyat vasitələrinin salonu zibilliyə çevrilib:
“Bəzi sərnişinlər yeyib-içdikləri ərzaqların qalıqlarını oturacaqların altına atırlar. Nəticədə də avtobusun salonunda natəmizlik hökm sürür. Qalıqlar bir kənara, avtobuslarda ümumiyyətlə heç bir təmizlik işləri aparılmır. Təmiz paltarla avtobusa minirsən, toz-torpaq içində düşürsən. Aidiyyəti qurumlardan öhdəliklərinə düşən bu vəzifəni icra etmələrini, ictimai nəqliyyat vasitələrini zibillikdən xilas etmələrini tələb edirik”.
