Gəncə şəhərində daha bir küçədə yol infrastrukturu ilə bağlı problem yaşanır.
Gencexeber.az məlumat verir ki, söhbət şəhərin Faiq Məmmədov və Nuru Paşa küçələrinin kəsişməsindən gedir.
Belə ki, ərazidə yollar asfaltlanmadığından sakinlər daşlar və qum üzərində hərəkət etmək məcburiyyətində qalırlar. Yolun yoxuşlu olması isə vəziyyəti daha da çətinləşdirir.
Gəncəlilərin sözlərinə görə, problem təkcə piyadaların hərəkətinə deyil, nəqliyyatın giriş-çıxışına da təsir edir. Onlar bildirirlər ki, taksi sifariş etdikdə sürücülər əksər hallarda yolun vəziyyətinə görə həmin ünvana gəlməkdən imtina edirlər.
Vətəndaşlar aidiyyəti qurumlardan ərazidə yolun asfaltlanmasını və problemin qısa zamanda aradan qaldırılmasını xahiş edirlər.
